看看小说网

手机浏览器扫描二维码访问

15 一別兩寬（第4页）

雷耀揚的近身壞腦同他一起入庫房，談起不法生意。

「交易順唔順利？」

「年頭我去咗Bruma同班仆街傾掂數，過咗錢啦。後尾喺龍潭鎮攞貨，經內地落廣州，批貨放咗喺我哋深圳嘅貨倉，今次搵咗個白手中港司機偷運落香港。」

「嗯，壞腦你份人心思細密，做嘢一向穩陣，信你計過度過實唔會舐嘢。」

內部幾名車工卸下一輛大貨車的車門，搬到鐵臺上：「Power哥，D貨收埋咗喺車門入面。」

奔雷虎另一名武力型近身Power稍一用力便把鐵皮掀開，內部赫然放置了四大包白面。

雙獅地球、三星環、金象。

「阿大，貨齊晒。」Power檢查了貨，確認無誤。

「嗯，數量好多。」雷耀揚很滿意。

壞腦上前掂量，舉起一包十公斤重的雙獅：「呢批貨有成80%純度，係極品嚟?，每塊三乘四寸，重三百五十克，一共30塊，市值1200萬。」

1200萬的數字驚得旁人舌橋不下。

「哇，咁多錢，呢鋪發達啦！」

「呢度少少貨就值幾層樓，好癲。」

雷耀揚早見慣毒品大場面，淡定開口：「一個二個無見過世面咁款，呢批白面一日未賣出去一日都唔係錢，嗱嗱聲揾人稀釋，分俾拆家，盡快散貨盡快收水。」

「阿大，最近有D棘手嘢。」Power眼睛一瞇：「洪興屯門嘅揸fit人恐龍，攪我哋灣仔D生意」

「恐龍？哈，佢撈客撈到去陳浩南陀地啦？」雷耀揚不以為然地吸了口煙。

「佢哋洪興內部有D乜我就唔知，不過恐龍就搶咗唔少客，有幾個拆家都接咗佢D貨。」

「係啊？」

廖成剛早就想插手這盈利豐厚的生意，雷耀揚在其協助下，已暗中於灣仔立足，私下提供散出不少貨，撈得一大票好處。

現在殺出個洪興恐龍要分一杯羹，眼裏容不得半點沙子的他豈能袖手旁觀。

哼，洪興？雷耀揚一條毒計躍然心頭。

第二日晚銅鑼灣駱克道463－483紐約戲院的對面，洪興屯門摣fit人恐龍摟著條女與細佬們眉開眼笑，滿臉自鳴得意。

恐龍是葵青摣fit人韓賓的親生大哥，真名「韓琛」，已執掌屯門4年，彪悍粗野的作風使其他想要涉足該地區的人倍感棘手，至今維持著屯門清一色的局面。

他摸了摸懷裏條女的腰，被她兩個晃蕩的大乳勾得淫心大動：「你條仔呢？」

女人媚笑：「啊呀，你真係黐線~」

接著恐龍大手一擺，回頭對跟班吆喝：「喂，唔使跟住我啦，自己周圍去happy下，我哋仲有緊要嘢做~」

細佬們聽令馬上應聲：「我哋識做?啦大佬，走先啦。」

他急不可耐要與條女春宵，走到泊車檔要車：「我架車呢？」

「架車即刻到啊，恐龍哥~」

人高馬大的Power帶著五六個人上前攔住了去路。

「久仰啦，恐龍哥。」

恐龍是個粗人，頭腦簡單專橫跋扈，暴躁地回答道：「乜事啊？」

「唔好意思阻你一陣，雷生想單獨同你傾下偈。」

「邊個係雷生？」

「東星嘅雷耀揚。」

雷耀揚？雖沒見過，恐龍也聽過奔雷虎的名聲，不知東星的人找他有什麽事。

【咒回乙女】电波系技能能否拯救世界  快乐加倍  王妃裙下犬( H)  原来是我弄错了？  她比玫瑰美丽  山归  兽血沸腾2  当金主扫地出门后（ 娱乐圈）  旦那 [ 父女 Ds/SM ]  落尽梨花月又西（父女）  欲妄（ ）  拿鸢  崩溃地(短篇集)  假如熱戀（簡/繁）  至尊龙帝陆鸣  极天圣典  衣冠楚楚【禁忌h】  异星独宠  软日（h合集，futa百合）  云澜( H 伪养成)