看看小说网

手机浏览器扫描二维码访问

5 金牌打仔（第4页）

「好小事啫。」駱駝豪爽地說。

雷耀揚與其余大佬們一一寒暄了幾句。

只有烏鴉頭靠在椅背上，故意大聲打招呼：「雷老闆，好耐無見，個派頭越嚟越大啦喎。」

社團裏誰都知道，下山虎和奔雷虎相互看不順眼，彼此極不對付，明裏暗裏曾多次傾軋。

「唔好意思啊烏鴉，近排睇嘢有D差，睇唔到你添，別來無恙喎。」雷耀揚的回敬不失禮貌。

「隻眼有事就要快D睇醫生啦，話唔定一個唔覺意check埋其他暗病出嚟」

烏鴉討厭雷耀揚整天裝模作樣，附庸風雅，對方說什麽都要陰陽怪氣一下。

「多謝你提醒噃，你百足咁多爪噉都仲要理埋我嘅健康狀況。」

「呵，你係東星莫紮特嚟?嘛~你身體唔好冧咗落嚟直情係社團嘅損失~」

雷耀揚早習慣了烏鴉的賤嘴，並不反駁他。

「哎？你哋兩個一見面就咁多嗌霎，乜事？都係自己兄弟，天雄，你講少句當幫忙啦」

駱駝製止了烏鴉，繼續說：「今日叫大家嚟，主要係為咗可以畀大家聚下，我呢個當坐館嘅唔稱職，好耐都冇同班兄弟好好食個飯」

「二嚟呢，我想大家夾計下，出年要97啦，而家社團有部分嘅舊生意已經開始棘手，俾人食住晒，O記嗰邊又下下插隻腳埋嚟，check得緊喎...」

「你哋都知?啦，洪興而家食住個勢，蔣天生又係生意人，商界政界都有人脈撐佢，我哋東星係咪都應該考慮下投資或者開發一D新嘅生意水路？」

「我都有番咁上下啦，唔及得你哋後生輩睇得咁遠咁闊，有乜好橋都可以拋出嚟傾。」

幾位大底聽到洪興，都沈默了半晌。

兩大社團沖突不斷，為地盤爭鬥不止，這兩年洪興在蔣天生的領導下，社團不再拘泥於傳統三合會形式，潛移默化地轉變，染指黑白兩道，手裏精兵強將人才濟濟，實力飛升猛漲，盤踞在全港多個中心地段，東星在洪興的擠壓下吃了不少虧。

「無咁大鑊吖嘛？我哋東星就係疊水，點會怕佢哋？再唔掂我哋仲有荷蘭，阿大，荷蘭你最架勢?啦！」矮小的笑面虎任何時候都要說些好聽的場面話，拍拍駱駝的馬屁。

「你識條春咩，有錢咁又點，荷蘭永遠都係D鬼佬嘅世界，邊及香港自在，阿偉，上次俾洪興夾埋和興和大佬威過你一戙，傻撚咗啊？」

面對金毛虎的揶揄，笑面虎不服氣地哼了一聲。

「超！你都唔好得邊?咋，連洪興嗰條唔起眼嘅阿山雞都可以騎到你頭，仲爭D俾班躝癱掟入清水灣...」

被點破狼狽之事，金毛虎羞憤地說不出話。

「乜咁嘈喧巴閉，當我透明?！」駱駝敲打桌子呵斥：「都呢個時勢仲要鬼打鬼，係咪想激死我至安樂？大家同一條水，平時成日同你哋講要團結一致都係左耳入右耳出，唔怪得要蝕抵！」

笑面虎馬上賠笑：「阿大唔使勞氣，我哋講笑啫。」

雷耀揚適時挑起話頭：「阿大，灣仔嗰個廖成剛同我幾friend下」

「廖成剛...我有聽過下，就係打死差佬但係無罪釋放嗰個太子剛？」駱駝曾在報刊和電視新聞上了解到，此案可謂沸沸揚揚，只是後來無故被壓下了關註度。

「你哋知唔知？佢老竇廖啟恒係香港股票大鱷，之前喺英國留學嗰陣同而家律政司入面一D高官係同學嚟，關係唔惹小。廖成剛D遊艇salon同會所，去得嘅人都係非富即貴嘅大孖沙。」

「ICAC，O記，皇氣都唔係一塊鐵板，如果可以打通佢嘅關係，我哋就有機會可以開拓多條生意line。」

「蔣天生係個猛料嚟，不過佢同洪興有掣肘，得個屯門清一色執到大旗之外，其他地頭都有我哋陀地，唔係唔可以插旗...」

駱駝目光矍鑠，點點頭：「揚仔，既然你有呢層關係可以幫到社團，咁我哋一定全力撐你啦。」

「唔好咁講，為社團做嘢係應該嘅。係我人手同場地有限，如果阿大對我有信心，我希望...」

話音未落，駱駝擡手打斷：「都係自己人使乜有咁多顧慮，想要乜直接開聲，我話事啫。」

其余幾人看穿了他的企圖，低著頭避開目光。

雷耀揚看向烏鴉，眼裏閃過一絲淡淡的狡黠，泰然地開口要了烏鴉在尖沙咀和荃灣的三個娛樂場，數量不多，但都是吸金多客的所在地。

山归  快乐加倍  旦那 [ 父女 Ds/SM ]  软日（h合集，futa百合）  异星独宠  假如熱戀（簡/繁）  拿鸢  落尽梨花月又西（父女）  【咒回乙女】电波系技能能否拯救世界  兽血沸腾2  崩溃地(短篇集)  她比玫瑰美丽  王妃裙下犬( H)  至尊龙帝陆鸣  原来是我弄错了？  极天圣典  衣冠楚楚【禁忌h】  欲妄（ ）  当金主扫地出门后（ 娱乐圈）  云澜( H 伪养成)